Sakunthala Vlogs

ලංකා ඛනිජ තෙල් නීතිගත සංස්ථාව (CEYPETCO) විසින් 2025 සැප්තැම්බර් 30 වන දින මධ්‍යම රාත්‍රී 12:00 සිට ක්‍රියාත්මක වන පරිදි ඉන්ධන මිල ගණන් සංශෝධනය කර ඇති බව නිවේදනය කරයි. මෙම මිල වෙනස් කිරීම, රජයේ ඉන්ධන මිල සූත්‍රයට අනුකූලව සිදු කර ඇති බව සංස්ථාව සඳහන් කරයි. ලංකා සුපර් ඩීසල්, ලංකා ඔටෝ ඩීසල් සහ ලංකා භූමිතෙල් යන ප්‍රධාන ඉන්ධන වර්ගවල මිල අඩු වී ඇති අතර, ලංකා පෙට්‍රල් 95 ඔක්ටේන් සහ ලංකා පෙට්‍රල් 92 ඔක්ටේන් යන වර්ගවල මිල වෙනස් නොවේ. නව මිල ගණන් (ලීටරයක් සඳහා): ඉන්ධන වර්ගය පෙර මිල (රු.) / වෙනස් වීම (රු.) / නව මිල (රු.) ලංකා සුපිරි ඩීසල් 343.00 (06.00) 337.00 ලංකා ඔටෝ ඩීසල් 283.00 (06.00) 277.00 ලංකා භූමිතෙල් 185.00 (05.00) 180.00 ලංකා පෙට්‍රල් 95 ඔක්ටේන් 341.00 – ලංකා පෙට්‍රල් 92 ඔක්ටේන් 299.00 –

  ඛනිජ තෙල් බෙදුම්කරුවන්ගේ සංගමය අවධාරණය කරන්නේ, දැනට තමන්ට ලැබෙන 1.75%ක ඉතා අඩු කොමිස් මුදල හේතුවෙන් ඉන්ධන පිරවුම්හල් පවත්වාගෙන යාම තවදුරටත් කළ නොහැකි බවයි. පිරවුම්හල් නඩත්තු කිරීමේ සහ සේවක වැටුප් ගෙවීමේ වියදම් පියවා ගැනීමට මෙම මුදල කිසිසේත්ම ප්‍රමාණවත් නොවන බැවින්, ඉදිරියේදී තම ව්‍යාපාර වසා දැමීමට සිදුවනු ඇතැයි ඔවුහු අනතුරු අඟවති. සංගමයේ සාමාජිකයෙක් කියා සිටියේ, මෙම අසීරු තත්ත්වය ඛනිජ තෙල් නීතිගත සංස්ථාවට පැහැදිලි කිරීමට උත්සාහ කළද, ඔවුන් එය තේරුම් ගැනීමට කිසිදු උනන්දුවක් නොදැක්වූ බවයි. මෙම ගැටලුව සම්බන්ධයෙන් මැදිහත් වී විසඳුමක් ලබා දෙන ලෙස ඉල්ලා ඛනිජ තෙල් බෙදුම්කරුවන්ගේ සංගමය විසින් ජනාධිපති අනුර කුමාර දිසානායකට සහ අගමැතිනි හරිනි අමරසූරියට නිල වශයෙන් ලිපි යොමු කර තිබේ. බෙදුම්කරුවන් පෙන්වා දෙන්නේ, සියලුම ඉන්ධන සැපයුම්කරුවන් රජයේ උපරිම සිල්ලර මිලට අලෙවි කළද, ඛනිජ තෙල් නීතිගත සංස්ථාව , අනෙකුත් තරඟකාරී සැපයුම්කරුවන්ට සාපේක්ෂව තම පිරවුම්හල් හිමියන්ට සැලකිය යුතු තරම් අඩු කොමිස් මුදලක් ගෙවන බවයි. තවදුරටත් ඔවුන් පෙන්වා දෙන්නේ, මේ නිසා CPC විසින් බෙදුම්කරුවන්ගේ වියදමින් දැවැන්ත ලාභයක් උප...

හිටපු ජනාධිපතිවරයකුගේ භාවිතයට සුඛෝපභෝගී මෝටර් රථයක් මිලදී ගැනීම සඳහා ජනාධිපති ලේකම් කාර්යාලය විසින් විදේශීය සැපයුම්කරුවකු වෙත ණයවර ලිපි මගින් රුපියල් එක්කෝටි හැටහතරලක්ෂ අසූනවදහස් හත්සිය එකොළහක මුදලක් ප්‍රේෂණය කර තිබිය දී නැවත පෞද්ගලික පාර්ශ්වයක් වෙත ද රුපියල් එක්කෝටි හැටදෙලක්ෂ පනස්දහසක මුදලක් (16,250,000) ගෙවා ඇති බැව් ජාතික විගණන කාර්යාලය මගින් නිකුත්කොට ඇති නවතම විගණන වාර්තාවක සඳහන් වේ. අදාළ පෞද්ගලික පාර්ශ්වය විසින් එම මුදල විදේශීය සැපයුම්කරුට ගාස්තු වශයෙන් ගෙවූ බව දන්වා තිබුණ ද එසේ මුදල් ගෙවූ බවට තහවුරු නොවූ බව ද විගණන වාර්තාවේ සඳහන් වෙයි. ජනාධිපති ලේකම් කාර්යාලය විසින් ණයවර ලිපි විවෘත කර තිබිය දී රජයේ මුදල් තෙවන පාර්ශ්වයකට ගෙවීම සඳහා පදනම විගණනයේ දී අනාවරණය වී නැත. මෙකී පෞද්ගලික පාර්ශ්වය විසින් මෙම මෝටර් රථය ආනයනය කර කාර්යාලයට ලබා දුන් බවට තහවුරු නොවූ බව ද විගණනය මගින් අනාවරණය කොට ඇත. ප්‍රසම්පාදන මාර්ගෝපදේශ අනුගමනය කිරීමකින් තොරව හිටපු ජනාධිපතිවරයාගේ භාවිතය සඳහා 2013 වර්ෂයේ දී Mercedes Benz G63 AMG මාදිලියේ මෙම මෝටර් රථය විදේශීය සැපයුම්කරුවකුගෙන් මිලදී ගෙන තිබුණි. ජනාධිපති ලේකම් කා...

යාපනය දිස්ත්‍රික්කය නියෝජනය කරන පාර්ලිමේන්තු මන්ත්‍රී රාමනාතන් අර්ජුනා මහතා කොටුව පොලිස් ස්ථානය විසින් අද අත්අඩංගුවට ගෙන තිබේ. මන්ත්‍රීවරයා අත්අඩංගුවට ගැනීම සිදුවූයේ, ප්‍රකාශයක් ලබාදීම සඳහා අද පෙරවරුවේ කොටුව පොලිස් ස්ථානය වෙත පැමිණි අවස්ථාවේදීය. මෙම අත්අඩංගුවට ගැනීමට හේතුව වී ඇත්තේ, කොටුව ප්‍රදේශයේ පසුගිය දිනකදී පැවති සත්‍යග‍්‍රහයක් අතරතුර පොලිස් රාජකාරියට බාධා කිරිම සම්බන්ධයෙන් ඔහුට එරෙහිව ඇති චෝදනාවකි. ඒ සම්බන්ධයෙන් ප්‍රකාශයක් ලබා ගැනීම සඳහා ඔහු අද දින පොලිසිය වෙත කැඳවා තිබිණි. අත්අඩංගුවට ගත් මන්ත්‍රීවරයා කොටුව මහේස්ත්‍රාත් අධිකරණය වෙත ඉදිරිපත් කිරීමට නියමිතව ඇත. අධිකරණයට ඉදිරිපත් කරන ලද මන්ත‍්‍රීවරයා ඇප මත නිදහස් කර ඇත. මන්ත‍්‍රීවරයා වරද පිළිගෙන ඇති අතර පොලිස් නිලධාරීන්ගෙන් සමාව ගෙන ඇත. ඒ අනුව ලක්ෂ 10 ක් ශරීර ඇප දෙකක් මත නිදහස් කර තිබේ.

අද පෙරවරුවේ කිලිනොච්චිය තට්ටුවන්කෝට්ටි ප්‍රදේශයේදී පිපිරීමක් සිදුව තිබේ. ඉන් තුවාල ලැබූ පුද්ගලයන් දෙදෙනකු රෝහල්ගත කර ඇත. මෙම පිපිරිම සිදුව ඇත්තේ අතහැර දමූ නිවසක කැණීම් කටයුත්තක් කරමින් සිටියදීය.

2022 ආර්ථික අර්බුදයෙන් ශ්‍රී ලංකාව යථා තත්ත්වයට පත්වෙමින් පැවතුණද, රටේ ආයෝජන පරිසරය තවදුරටත් අභියෝග රැසකින් පිරී ඇති බව එක්සත් ජනපද රාජ්‍ය දෙපාර්තමේන්තුව විසින් නිකුත් කරන ලද 2025 ශ්‍රී ලංකාවේ ආයෝජන දේශගුණික ප්‍රකාශනය හෙළි කරයි. ප්‍රකාශනයට අනුව, 2024 වසරේදී 5% ක දළ දේශීය නිෂ්පාදන (GDP) වර්ධනයක් වාර්තා වීම අපේක්ෂාවන් ඉක්මවා ගිය යහපත් තත්ත්වයකි. එහෙත්, මහා පරිමාණ විදේශ සෘජු ආයෝජන (FDI) තවමත් කුඩා ගනුදෙනු මට්ටමක පවතී. 2024 වසර අගදී ජනාධිපති අනුර කුමාර දිසානායක මහතා සහ ජාතික ජන බලවේගයය ලැබූ මැතිවරණ ජයග්‍රහණ හේතුවෙන් රටට දේශපාලන ස්ථාවරත්වයක් ලැබී තිබේ. NPP රජය විසින් ජාත්‍යන්තර මූල්‍ය අරමුදලේ ඩොලර් බිලියන 3 ක වැඩසටහනට (2023-2027) අඛණ්ඩව කැපවී සිටීම ආයෝජකයින්ගේ විශ්වාසය තහවුරු කිරීමට හේතුවක් වී ඇත. කෙසේ වෙතත්, NPP නායකත්වයේ ඓතිහාසිකව පැවති බටහිර විරෝධී, මාක්ස්වාදී මතවාදය හේතුවෙන් බොහෝ ආයෝජකයින් තවමත් අවිනිශ්චිතව සිටින බව මෙම ප්‍රකාශනයේ සඳහන් වේ. මහා පරිමාණ ආයෝජන රට තුළට ගලා ඒමට නම්, වත්මන් ආණ්ඩුවෙන් ප්‍රතිපත්ති ස්ථාවරත්වය, නියාමන ප්‍රතිසංස්කරණ සහ වැඩිදියුණු කළ විනිවිදභාවය ඉහළ නැංවිය යුතු බව ...

 බස්නාහිර පළාත් සභාවේ හිටපු මන්ත්‍රීවරයෙකු වන අමල් සිල්වා, ව්‍යාජ ලේඛන භාවිත කරමින් සුඛෝපභෝගී වාහන ලියාපදිංචි කිරීමේ සිද්ධියක් සම්බන්ධයෙන් වලාන දූෂණ මර්දන ඒකකය මගින් අත්අඩංගුවට ගෙන තිබේ. මෙම වැටලීමේදී රුපියල් කෝටි හයකට අධික වටිනාකමකින් යුත් සුඛෝපභෝගී මෝටර් රථ තුනක් ද පොලිස් භාරයට ගෙන ඇත. වලාන මධ්‍යම දූෂණ මර්දන ප්‍රහාරක බලකායේ නිලධාරීන්ට ලද තොරතුරක් මත ක්‍රියාත්මක වී අද (28) දිනයේදී මෙම අත්අඩංගුවට ගැනීම සිදු කර තිබේ. නීති විරෝධී ලෙස මෙරටට ගෙන්වන ලද මෙම වාහන, මෝටර් රථ ප්‍රවාහන දෙපාර්තමේන්තුවේ ලියාපදිංචි කිරීම සඳහා කූඨ ලේඛන යොදාගෙන ඇති බවට තොරතුරු වාර්තා වේ. පොලිසිය විසින් සිදු කරන ලද මූලික විමර්ශනවලට අනුව, රාජ්‍ය ආයතන සතුව පැවති භාවිතයෙන් ඉවත් කරන ලද (ගර්භිත කරන ලද) වාහනවල ලියාපදිංචි අංක යොදා ගනිමින් මෙම ජාවාරම සිදුකර ඇති බවට අනාවරණය වී ඇත. මෙලෙස සොයාගත් වාහන අතර ලෑන්ඩ් රෝවර් සහ මිට්සුබිෂි වර්ගයේ ජීප් රථ තුනක් පවතී. අත්අඩංගුවට ගත් සැකකාර හිටපු මන්ත්‍රීවරයා, පානදුර මහෙස්ත්‍රාත් අධිකරණයේ විභාග වන නඩුවකට අදාළව හෙට (29) දින අධිකරණයට ඉදිරිපත් කිරීමට නියමිත බව පොලීසිය වැඩිදුරටත් සඳහන් කරයි...

2025.08.15 දිනැති අංක 2449/60 දරන අතිවිශේෂ ගැසට් පත්‍රය මගින් ප්‍රකාශයට පත් කරන ලද 1969 අංක 1 දරන ආනයන හා අපනයන (පාලන) පනත යටතේ රෙගුලාසි රාජ්‍ය මුදල් පිළිබඳ කාරක සභාව විසින් සලකා බලා අනුමත කරන ලදී. ඒ උක්ත කාරක සභාව එහි සභාපති  පාර්ලිමේන්තු මන්ත්‍රී (ආචාර්ය) හර්ෂ ද සිල්වාගේ සභාපතිත්වයෙන් පාර්ලිමේන්තුවේදී රැස්වූ අවස්ථාවේදීය . ඒ අනුව, ඉදිරියේදී පාර්ලිමේන්තුවට ඉදිරිපත් කිරීමට නියමිත එම රෙගුලාසි මගින් සංචාරක අංශය ප්‍රවර්දනය කිරීම පිණිස වාහන ආනයනය සඳහා ලබාදී තිබූ අවසරය දීර්ඝ කිරීම සඳහා අනුමැතිය අපේක්ෂා කෙරේ. මෙහිදි පැමිණ සිටි නිලධාරින් පෙන්වා දුන්නේ 2024 මැයි මාසයේදී හඳුන්වා දුන් උක්ත රෙගුලාසිය යටතේ, නවතම වාහන 1,000ක් ආනයනය කිරීමට අනුමැතිය ලබා දුන් බවයි. සංචාරක සංවර්ධනයට සහාය වීම පිණිස ප්‍රවාහන පහසුකම් ශක්තිමත් කිරීම මෙහි අරමුණ වූ අතර සංචාරක අමාත්‍යාංශය විසින් නිකුත් කරන ලද විශේෂ බලපත්‍ර යටතේ සිදුකරන ලද මෙම වාහන ආනයනය කිරීම 2025 ජුනි 30 දක්වා වලංගු විය. විදේශ කටයුතු, විදේශ රැකියා සහ සංචාරක අමාත්‍යවරයාගේ යෝජනාවකට අනුව, මෙම පහසුකම තවත් මාස තුනක් සඳහා, එනම් 2025 සැප්තැම්බර් 30 දක්වා දීර්ඝ ක...

(සුජිත් හේවාජුලිගේ ) ශ්‍රී ලංකාවේ ආයෝජනයකට පැමිණි ජපානයේ ආයෝජකයන් පිරිසකට ඉහළ පෙළේ නිලධාරියකු සාකච්ඡාවකට අවස්ථාවේදී ඉන් මගහැර යෑම හේතුවෙන් එම ආයෝජකයන් පිරිස කලකිරීමට පත්ව ආපසු හැරී ගොස් ඇතැයි වාර්තාවේ. පසුව එම නිලධාරියා පෝය දිනයක වෙනත් ස්ථානයක සාකච්ඡා කිරීමට යෝජනා කර ඇති අවස්ථාවේදී එම ආයෝජකයන් එය ප්‍රතික්ෂේප කර ඇත. මේ සිද්ධියවූයේ මාර්ග ආරක්ෂණ වැඩපිළිවෙලක් සම්බන්ධයෙන් රජයේ අනුමැතිය ලබා ගැනීමට අමාත්‍යාංශ උසස් නිලධාරියෙකු හමුවීමට උත්සාහ දැරූ අවස්ථාවේදී බව එම ජපන් ආයෝජකයන් පිරිස සම්බන්ධීකරණය කළ රාජපුත්‍ර සමූහ ව්‍යාපාරයේ සභාපති සජීව් රාජපුත්‍ර මහතා කොළඹදී පැවති ප්‍රවෘත්ති සාකච්ඡාවකදී පැවසීය. ” ඇත්තෙන්ම මට ඕන වුණේ මේ රට වෙනුවෙන් මේ වටිනා වැඩපිළිවෙළ ක්‍රියාත්මක කරන්න. ඒක ක්‍රියාත්මක කරලා මාර්ග අනතුරුවලින් මියයන මේ රටේ අහිංසක ජනතාවගේ ජීවිත ආරක්ෂා කරන්න. මේක මටම දෙන්න කියලා දෙයක් නැහැ. වෙන කවුරු හරි මේ වැඩේ ක්‍රියාත්මක කළත් කමක් නැහැ. මම මේ වැඩ පිළිවෙල රජයට ඉදිරිපත් කරන්න සූදානම්. ක්‍රියාත්මක කරන නොකරන එක ඒගොල්ලන්ට අයිති වැඩක්. මම මේ වැඩේට ඉදිරිපත් වුණේ රට ගැන හිතලා බොහොම සද්භාවයෙන්” යැයි රාජපු...

විපක්ෂ නායක සජිත් ප්‍රේමදාස මහතාගේ වත්මක් හා බැරකම් අල්ලස් හෝ දූෂණ විමර්ශන කොමිෂන් සභාව විසින් ප්‍රසිද්ධ කර තිබේ. එම ප්‍රකාශය අනුව විපක්ෂ නායක සජිත් ප්‍රේමදාස මහතා රු ලක්ෂ 900 ඉක්ම වූ ණය ප්‍රමාණයක් විවිධ බැංකු වල තිබේ. ඔහුගේ වත්කම් හා වගකීම් පහත පරිද වෙයි රන් ආභරණ 3 050 000 පාර්ලිමේන්තු මන්ත්‍රීවරයෙක් ලෙස ලද වැටුප් (2024) 2 719 325 විපක්ෂනායක ලෙස වැටුප් (2024) 6 718 818 වෙනත් ආදායම් 496 581 වෙනත් ආදායම් 110 301 වත්කම් නිවාස 60 000 000 නිවස 5 000 000 කෘෂිකාර්මික ඉඩම 500 000 මහල් නිවාස 17 000 000 (ණයක් මගින්) ඉඩම පර්චස් 11.3 – රු 9 958 993 ඉඩම පර්චස් 11.3 -රු 8 856 383 ඉඩම පර්චස් 80 – රු. 100 000 ඉඩම අක්කර 1 පර්චස් 48 – රු 100000 නිවාස සහිත ඉඩම පර්චස් 54 – රු 500 000 ඉඩම අක්කර 2 පර්චස් 127 – රු 300 000 ඉඩම පර්චස් 13.56 රු 6 100 000 ඉඩම පර්චස් 13.56 – රු 2 557 400 වාහන රු ලක්ෂ 8 බැගින් රු. ලක්ෂ 16ක් වටිනා මිට්සුබිෂි ඩබල් කැබ් 2 ටොයොටා ප්‍රා ඩෝ රථය (බලපත්‍ර හරහා ) රු 3 500 000 ලෑන්ඩ් කෘෂර් (බලපත්‍ර හරහා) රු 5 000 000 මර්සිඩීස් බෙන්ස් රථය (බලපත්‍ර හරහා) රු 10 0000 000 රු. 17 815 902ක් වටින...

හැටන් නගරයේ බේකරියකින් ආහාරයට ගත් පෙති කපා ඇසුරුම් කරන ලද පාන් ගෙඩියක එම බේකරියේ සේවයේ නියුතු සේවකයෙකුගේ ඇගිල්ලක තුවාලයක සමේ කොටසක් තිබී පාරිභෝගිකයෙකුට (25) දින හමු වී ඇත. (25) දින රාත්‍රි ආහාරය සදහා එම බේකරියෙන් රු.180ක මුදලක් ලබා දී පෙති කපා ඇසුරුම් කරන ලද පාන් ගෙඩියක් මිලදී ගෙන එය ආහාරයට ගැනීමේදි පාන් පෙත්තක ඇගිල්ලක තුවාලයක සමේ කොටසක් තිබි හමුවීමත් සමග එම පාර්භෝගිකයා පාන් පරිභෝජනයට නොගෙන එම පාන් රාත්තල සහ ඇගිල්ලක තුවාලයක සමේ කොටස හැටන් දික්ඔය නගර සභාවේ මහජන සෞඛ්‍ය පරික්ෂකවරුන් වෙත ලබා දි ඇත. ඇගිල්ලක තුවාලයක සමේ කොටස පරික්ෂා කල හැටන් දික්ඔය නගර සභාවේ මහජන සෞඛ්‍ය පරික්ෂකවරුන් කියා සිටියේ එම බේකරියේ නිෂ්පාදන කටයුතු අපිරිසිදු ආකාරයෙන් පවත්වාගෙන යෑම සම්බන්ධයෙන් එම බේකරියේ හිමිකරුට එරෙහිව මීට ප්‍රථම අවස්ථා කිහිපයකදී හැටන් මහේස්ත්‍රාත් අධිකරණය හමුවේ නඩු පවරා දඩ මුදල් අය කර ඇති බවයි. මෙම සිද්ධිය සම්බන්ධයෙන්ද බේකරියේ අයිතිකරුට එරෙහිව හැටන් මහේස්ත්‍රාත් අධිකරණය හමුවේ යලිත් නඩු කිහිපයක් පැවරීමට පියවර ගන්නා බවයි. – රංජිත් රාජපක්ෂ

විපක්ෂ නායක සජිත් ප්‍රේමදාස මහතාගේ වත්කම් සහ බැරකම් සම්බන්ධයෙන් පරීක්ෂණයක් ආරම්භ කරන ලෙස ඉල්ලා අල්ලස් හෝ දූෂණ විමර්ශන කොමිෂන් සභාව වෙත පැමිණිල්ලක් ඉදිරිපත් කර තිබේ. මෙම පැමිණිල්ල ඉදිරිපත් කර ඇත්තේ ‘අල්ලස, දූෂණය, නාස්තියට එරෙහි පුරවැසි බලය’ නමැති සංවිධානය විසිනි. එහි සභාපති සාමුණි කමන්තතුෂාර මහතා අවධාරණය කරන්නේ, විපක්ෂ නායකවරයා විසින් මෙතෙක් අල්ලස් හෝ දූෂණ චෝදනා විමර්ශන කොමිෂන් සභාවට ඉදිරිපත් කළ යුතු වත්කම් බැරකම් ප්‍රකාශය ලබා දී නොමැති බවයි. තවද, ඒ ආකාරයටම වත්කම් බැරකම් ප්‍රකාශ ලබා නොදුන් අනෙකුත් පාර්ලිමේන්තු මන්ත්‍රීවරුන්ට එරෙහිවද දූෂණ විරෝධී පනතට අනුව නීතිය ක්‍රියාත්මක කරන ලෙස ඉල්ලා ඇත. මෙම සංවිධානය වැඩිදුරටත් ඉල්ලා සිටින්නේ සජිත් ප්‍රේමදාස මහතාගේ වත්කම් පිළිබඳ පූර්ණ විමර්ශනයක් ආරම්භ කර, අයථා වත්කම් උපයාගෙන ඇත්නම් නීතිය ක්‍රියාත්මක කොට දඬුවම් ලබා දෙන ලෙසයි. කමන්තතුෂාර මහතා වැඩිදුරටත් කියා සිටියේ, විපක්ෂ නායකවරයාට අමතරව හිටපු අමාත්‍ය රෝහිත අබේගුණවර්ධන සහ හිටපු අමාත්‍ය වාසුදේව සම්පත් දසනායක යන මන්ත්‍රීවරුන්ගේ වත්කම් බැරකම් ද පරීක්ෂා කරන ලෙස ඉල්ලා තම සංවිධානය විසින් අල්ලස් කොමිසමට පැමිණ...

පසුගිය දිනකදී මත්ද්‍රව්‍ය සමඟ අත්අඩංගුවට ගත් චීවරධාරියා සමඟ එම නායක හාමුදුරුවන් සම්බන්ධතාවයක් ඇත්දැයි සොයා බලන ලෙස ඉල්ලමින් අද සමාජ මාධ්‍ය ක්‍රියාකාරී කැලුම් අමරසිංහ අපරාධ පරීක්ෂණ දෙපාර්තමේන්තුවට පැමිණිල්ලක් සිදු කර ඇත. එම මහා නායක හිමියන් විසින් මෙතරම් ධනයක් කෙසේ උපයා ගෙන ඇද්ද යනුවෙන් විමර්ශනයක් කර ජනතාවට දැන ගැනීමට ඉඩ සලස්වන ලෙසයි ඔහු පැමිණිල්ල ඉදිරිපත් කරමින් ඉල්ලා තිබේ. වැඩිදුරටත් අදහස් දක්වමින් ඔහු කියා සිටියේ සිවුර පැළද මෙම සංඝයා වහන්සේලා මත්ද්‍රව්‍ය ජාවාරමේ නිරත වනවාද යන්නයි

තරග පාවාදීමට අනුබල දීමේ චෝදනාව මත, හිටපු ජාතික ක්‍රිකට් ක්‍රීඩකයෙකු වන සචිත්‍ර සේනානායකට එරෙහිව නීතිපතිවරයා විසින් අධිචෝදනා ගොනු කර ඇත. ක්‍රීඩා දූෂණ වැළැක්වීමේ පනත යටතේ තරග පාවාදීමේ චෝදනා සම්බන්ධයෙන් මෙම විත්තිකරුට එලෙස අධිචෝදනා භාර දුන්නේ හම්බන්තොට මහාධිකරණයේදී ය. එහිදී නීතිපතිවරයා විසින් අධිචෝදනා භාර දෙන ලද්දේ විනිසුරු ඩී.පී. මුදුන්කොටුව මහතා ඉදිරියේ ය. තවද, විත්තිකරුට අධිචෝදනා භාර දීමෙන් පසු, ඔහුගේ ඇඟිලි සලකුණු ලබා ගැනීමට අධිකරණය නියෝග කළේය. එසේම, රුපියල් ලක්ෂ 10 බැගින් වූ ශරීර ඇප දෙකක් මත විත්තිකරු මුදා හැරීමටද අධිකරණය නියෝග කර ඇත.

පන්සිලුගම, මැල්සිරිපුර, නා උයන ආරණ්‍ය සේනාසනය ආශ්‍රිතව සිදුවූ කේබල් රථ අනතුරෙන් අපවත්වූ භික්ෂූන් වහන්සේලාගේ සංඛ්‍යාව සත් නමක් දක්වා ඉහළ ගොස් ඇත. ඊයේ (24) රාත්‍රියේ මෙම අනතුර සිදුව ඇති අතර, භික්ෂූන් වහන්සේලා 13 දෙනෙකු පමණ රැගත් කේබල් රථය දෝෂයකට ලක්ව කඩා වැටී ඇත. අපවත්වූ භික්ෂූන් වහන්සේලා අතරින් දෙදෙනෙකු විදේශික භික්ෂූන් වහන්සේලා බව වාර්තා වන අතර, උන්වහන්සේලාගේ දේහයන් ගොකරැල්ල දිස්ත්‍රික් රෝහලේ තැන්පත් කර තිබේ. අනෙක් භික්ෂූන් වහන්සේලාගේ දේහයන් කුරුණෑගල ශික්ෂණ රෝහලේ තැන්පත් කර ඇත. මෙම අනතුරින් තවත් භික්ෂූන් වහන්සේලා කිහිප නමක් බරපතල තුවාල ලබා ඇති අතර, උන්වහන්සේලා වැඩිදුර ප්‍රතිකාර සඳහා කුරුණෑගල ශික්ෂණ රෝහලට ඇතුළත් කර ඇති බව රෝහල් ආරංචි මාර්ග වැඩිදුරටත් සඳහන් කළේය. මෙම සිදුවීම සම්බන්ධයෙන් පරීක්ෂණයක් ආරම්භ කර තිබේ.