හැංගී සිටියා ඇතිවෙයි.. සම්පත් මනම්පේරි අධිකරණයට බාරවෙන්න ආරක්ෂාව ඉල්ලයි..
සම්පත් මනම්පේරි නැමැති පුද්ගලයා මිද්දෙදණිය ප්‍රදේශයේ තිබී සොයා ගත් අයිස් මත්ද්‍රව්‍ය නිෂ්පාදනයට යොදා ගන්නා රසායනික ද්‍රව්‍ය අඩංගු කන්ටේනර් දෙකක් සම්බන්ධයෙන් වන සිද්ධියට අවශ්‍ය වී සිටී.
ඔහු අද අභියාචනාධිකරණයට දන්වා සිටියේ අදාළ මහේස්ත්‍රාත් අධිකරණයට භාර වීමට සූදානම් බවයි.
ඔහු භාර වූ පසු, ඔහුගේ ආරක්ෂාව තහවුරු කිරීමට අවශ්‍ය පියවර ගන්නා ලෙස පොලිස්පතිවරයාට නියෝග කිරීමට අභියාචනාධිකරණය කටයුතු කළේය.
එමෙන්ම, විමර්ශන කටයුතු වලට සම්බන්ධ නිලධාරීන් මේ පිළිබඳව දැනුවත් කරන ලෙස ද අධිකරණය නියම කළේය.
අභියාචනාධිකරණය මෙම තීරණයට එළඹුනේ, සැකකරු වන සම්පත් මනම්පේරි විසින් ගොනු කරන ලද රිට් පෙත්සමක් විමසා බැලීමෙන් පසුවයි.
Comments
Post a Comment