විදුලි විරෝධතාකරුවන්ට කෑම ලෑස්තියි.. ජනපතිගෙන් අති විශේෂ ගැසට්ටුවක්…
ජනාධිපති අනුර කුමාර දිසානායක මහතා විසින් විදුලිබල සැපයුමට අදාළ සියලුම සේවාවන් අත්‍යවශ්‍ය සේවා බවට පත් කරමින් අතිවිශේෂ ගැසට් නිවේදනයක් නිකුත් කර තිබේ.
මෙම තීරණය ගෙන ඇත්තේ, විදුලිබල මණ්ඩලය (CEB) ප්‍රතිව්‍යුහගත කිරීමට එරෙහිව මේ වන විටත් විදුලි වෘත්තීය සමිති විසින් වෘත්තීය ක්‍රියාමාර්ගවල නිරත වෙමින් සිටින පසුබිමකය.
විදුලිබල මණ්ඩලය ප්‍රතිව්‍යුහගත කිරීමේ රජයේ යෝජනාවට එරෙහිව දැඩි විරෝධයක් පළ කරමින් විදුලි වෘත්තීය සමිති කිහිපයක් වෘත්තීය ක්‍රියාමාර්ගවල නිරතව සිටී.
ඔවුන් ප්‍රකාශ කරන්නේ මෙම ප්‍රතිව්‍යුහගත කිරීම මගින් විදුලිබල ක්ෂේත්‍රය පෞද්ගලීකරණය වීමට ඉඩ ඇති බවයි.
ජනාධිපතිවරයා විසින් නිකුත් කරන ලද මෙම ගැසට් නිවේදනය මගින්, විදුලිබල උත්පාදනය, සම්ප්‍රේෂණය, බෙදාහැරීම සහ නඩත්තුව ඇතුළු සියලුම සේවාවන් අත්‍යවශ්‍ය සේවා බවට පත් කෙරේ.
ඒ අනුව, මෙම සේවාවන්ට බාධා කිරීම හෝ අඩාල කිරීම නීතියට අනුව දඬුවම් ලැබිය හැකි වරදක් බවට පත් වේ.
මෙම පියවර ගෙන ඇත්තේ, රටේ විදුලිබල සැපයුමේ අඛණ්ඩතාව ආරක්ෂා කිරීම අරමුණු කරගෙනය.
Comments
Post a Comment